Mathilde Sjøhelle Eiksund
Hovedstyrekandidat 2024
Kandidatpresentasjon
Hei!
Eg heiter Mathilde, eg er 26 år og kjem frå Volda. Sommaren 2022 flytta eg frå strandliv, tapas og seine kveldar på lesesal i Barcelona, til sakshandsaming, fast inntekt og lunsj kl 11.00 ved Utlendingsdirektoratet i Oslo. Eg stiller til open plass i hovudstyret i ANSA, fordi eg har skikkelig trua på studentutveksling, og fordi eg trivst godt i rollen som styrerepresentant.
Eg har studert statsvitskap ved NTNU i Trondheim, med utveksling til California, og eg har ein master i migrasjonsstudier frå Barcelona. Ved sidan av studia har eg vore representant i universitetsstyret ved NTNU, jobba for Studenttinget som tillitsvalt på heiltid, og leika meg med diverse verv ved Studentersamfundet i Trondheim.
Eg har sjølv hatt fleire givande opphald i utlandet, og ønsker at så mange som mogleg skal få den same moglegheita. Noreg treng arbeidstakarar med kunnskap frå utanlandske universitet, og erfaringar med å samarbeide på tvers av kulturar. Eg bryr meg om at studentar med utdanning frå utlandet skal få bruk for erfaringane sine når dei søker jobb i Noreg. ANSA verkar som ein meiningsfylt organisasjon med masse spennade folk, og eg er motivert til å bli med på laget.